早餐

剛過去嘅星期三，我同爸爸諗住帶阿仔食早餐，同佢講，我地換完尿片同埋衫之後去食早餐好唔好？佢無反應。我再同佢講我同爸爸走喇，佢走過黎攬住爸爸話唔好。我問佢，媽媽去買早餐好唔好？佢話好，媽媽買~ =.=:
媽媽一早已經同爸爸講話媽媽買㗎啦!

阿仔話咁快18個月大喇！！！

阿仔大個仔喇，唔再係Baby lu~
佢越嚟越懂事，攪到我不得不把佢嘅趣事記錄下來！

星期六晚上，食完飯，阿仔同堂家姐玩，家姐重覆對住阿仔講"ABC",講咗幾次之後，阿仔好似好明咁，跑去書櫃度攞咗本Fun with word出黎，佢揭到ABC個版之後，露出好滿意嘅笑容，原來佢想揾比家姐。之後攞住支MICKEY 筆"點"首ABC SONG 聽！真係估佢唔到！

尋晚屋企食飯，阿爸問阿仔，阿仔正飲咗啖湯，可唔可以比佢飲，阿仔第一個反應係傾前比佢個"大包"咀比爸爸，爸爸即時話，唔使喇，你自己飲啦!哈哈哈！